ಸತ್ತರೂ ಬದುಕಿದೆನು 


ನೋಡುತಿಹೆನು ನಾನು ಮರಳಿ ನನ್ನೀ ಪ್ರಪಂಚವನ್ನು
ಮೊದಲಿಗಿಂತಲೂ ಬಹಳ ಅಂದವಾದ ಈ ಭುವಿಯನ್ನು
 ನಾನಂದು ಕಂಡ ಕನಸುಗಳೆಲ್ಲಾ ನನಸಾಗುತ್ತಿದೆ ಇಂದು
ಸಂತೋಷವಾಯಿತೆನಗೆ ಸತ್ತರೂ ಬದುಕಿದೆನಲ್ಲಾ ಎಂದು

ಕಣ್ಣು ಮುಚ್ಚುವ ಮೊದಲು ನಾನುಕೂಡ ಓರ್ವ ದೇಶಭಕ್ತ
ಇಂದಿಗೂ ದೇಶಾಭಿಮಾನ ತೋರ್ಪಡಿಸುತ್ತಿದೆ ನನ್ನೀ ಬಿಸಿರಕ್ತ
ನನ್ನದೇ ರಕ್ತ ನನ್ನ ರಕ್ತವಾಗಿ ಉಳಿಯದೆ ಪರರಿಗೂ ಸಹಾಯವಾಗುತ್ತಿದೆ
ಇಂದು ಸಂತೋಷವಾಯಿತೆನಗೆ ಸತ್ತರೂ ಬದುಕಿದೆನಲ್ಲಾ ಎಂದು

ನನ್ನ ಆ ರಕ್ತದಾನ,ನೇತ್ರದಾನಗಳಿಂದು
ಅಂದುಕೊಂಡೆನು ಅನ್ನದಾನಕ್ಕಿಂತಲೂ ಶ್ರೇಷ್ಠವೆಂದು
 ನಾನಂದು ಮಾಡಿದ ರಕ್ತದಾನ,ನೇತ್ರದಾನಗಳಿಂದ
ಸಂತೋಷವಾಯಿತೆನಗೆ ಸತ್ತರೂ ಬದುಕಿದೆನಲ್ಲಾ ಎಂದು

ಮಾಡೋ ಮಾನವ ಮಹಾದಾನ ನೇತ್ರದಾನವ
ನೀಡೋ ಮಾನವ ಶ್ರೇಷ್ಠದಾನ ರಕ್ತದಾನವ
ಅಪರ್ಪಿಸೊ ದೇಶಕ್ಕೆ ನಿನ್ನೀ ಶರೀರದಾನವ
ಮಾನವನಾಗಿ ಹುಟ್ಟಿ ಏನುಮಾಡಿದೆ ಎನ್ನೋ ಪ್ರಶ್ನೆಗೆ
ಕೊಡು ಈ ಮೂಲಕ ಉತ್ತರವ.
ಪಿ.ವಿ.ಸುಬ್ರಮಣಿ
ದ್ವಿತೀಯ ಎಂ.ಎಸ್.ಡಬ್ಲ್ಯೂ.